KACANGGIHAN HENPONE

Kacarios dina hiji weungi, angin peuting sumilir kawas ngusapan kana raga, hawar hawar aya paguneman antara cuang sebat we Dewala sareng Nala Gareng, ngobrol ngaler ngidul madungdeungkeun pamanggih - pamanggih dua nana salila kumelendang rumingkan di alam dunya ieu. sebat we lembur na lembur Panglawungan nagara Ngawang - ngawang.

• Dawala : Reng Gareng aduhhhhh, aduhhhhhh, aduhhhhh              bagja bagja bagja yiiiii, ayeuna urang duaan           bisa ngobrol paduduan dina peuting ieu nya ?
  
  
• Gareng : muhun kang.              kaleresan deui akang nuju aya di rorompok          jeung teu nuju sibuk katingalinamah nya ?
  
  
• Dawala : ah ieumah ngarineh-rineh karep we,        atawa nyalse nyalse keun maneh,         da lamun nurutkeun kana kasibukan mah               aya wae geuningan.
  
  
• Gareng : aeh aeeeeeh enya ketang kang,        sarua kuring ogenan model kitu,      nyata karasa pertela,      nya ieumah kuring oge,            ngahajakeun ngencagkeun heula kasibukan nyempetkeun panggih jeung akang manggihan,            pan ceunah ari jeung papada dulur mah, urang teh kudu remen silaturahmi.
  
  
• Dawala : tah eta geuning ilaing apal,             nya kitu, kitu pisan akang oge.          nya ieu teh di heunteu heunteu oge,                         kadar sareung kapastian ti Allah Rabbulalamiin          urang duaan bisa patepung lawung                    paamprok jonghok dina kaayaan ayeuna teh.
  
  
• Gareng : muhun, muhun, muhun Kang,            tah ayeunamah urang ngobrol ngaler ngidul, urang silih pairan obrolan           malah mandar tina obrolan urang teh          aya hal hal anu manfaat tur bisa jadi hikmah                 atawa pelajaran anu berharga             pikeun nyinghareupan perjalanan kahirupan                  anu masih keneh kudu dilakonan.
  
  
• Dawala : nya hayu atuh ari kitumah,                taya salahna urang ngobrol                            silih caritakeun pangalaman - pangalaman                  salila nyorang kahirupan di dunia ieu,      da masing masing urang teh                  pasti pernah manggih                atawa ngalaman hal hal anu pikaseurieun,                 pikasebeuleun,              pokonamah pika pika eun we lah nya.
  
  
• Gareng : muhun - muhun Kang,      rek tisaha heula anu rek pangheulana,            akang atawa kuring ?
  
  
• Dawala : ah saha we etamah, nu siap,             duuuuh alusnamah bari ngopi jeung mumuluk nya,                   urang ngobrol teh ?
  
  
• Gareng : ih kantenan kang alus pisan eta,               urang macangkrama bari baranggayeum mah he he.
  
  
• Dawala : ke ke ke ari yi merhatikeun perkembangan zaman kiwari teu ?
  
  
• Gareng : perkembangan kumaha kang ?
  
  
• Dawala : eta dina hal kemajuan teknologi                      mangrupa rupa rupa aplikasi,         media sosial, jeung sajabana ?
  
  
• Gareng : oh jelas atuh kang,                najan dangdanan sederhana kieu oge,                          ari perkembangan atawa kemajuan tekhnologimah                 ceuk rarasaanmah ulah tinggaleun meureun kang ?
  
  
• Dawala : alus alus alus Reng boga pamikiran saperti kitu,                 ngandung harti urang teh keur migawe pituah kolot urang,
  
  
• Gareng : na kumaha kitu pituah kolot urang teh kang ?
  
  
• Dawala : eta geuning,              aya diantara pituah kolot teh                anu kieu uni na,         sing bisa ngigelan zaman
  
  
• Gareng : wadoh ngigelan zaman ?                         naha da rarasaan mah tara pati            atawa tara unggal poe ngigeul,                              jeung deui da asa teu bisa ngigelna ogenan ?
  
  
• Dawala : jiahahahaha maksudna,                 lain ngigel anu gual geol gutak gitek rerengkenekan anggota badan reng.
  
  
• Gareng : oh lain ngigel nu kitu ?                                  na ari nggeus ngigel kumaha kang ?
  
  
• Dawala : ngigel dina hal ieu urang teh ulah kurang pergaulan,                      atawa teu nitenan perkembangan kaayaan anu kajadian nepi ka kiwari
  
  
• Gareng : ke ke ke ari kitu kiwari kumaha ?
  
  
• Dawala : kiwari atawa ayeuna,               sok geura perhatikeun atawa titenan,                    sagala rupa serba canggih                   serba babari di akses atawa di teangan                    ngeunaan kanyaho atawa katerangan,
  
  
• Gareng : na eunya kitu kang ?                                 cik cik cik guar kang
  
  
• Dawala : sok geura titenan                   hiji conto                    barang anu jaman kiwari sarerea meh pada boga jeung digunakeun,                       nu leutik anu geude kolot budak
  
  
• Gareng : hmmm na barang naon eta kang ?
  
  
• Dawala : eta hp atawa hand phone
  
  
• Gareng : bahasa naon eta kang hand phone ?
  
  
• Dawala : Bahasa deungeun etateh,                        cindeukna bahasa Inggris etateh,
  
  
• Gareng : na da kuring mah                 teu pati faham atawa ngarti bahasa inggris kang            cik ah jelaskeun
  
  
• Dawala : hand hartina leungeun                  phone artina telephone,                           jadi meureun kurang leuwih                                 telepon leungeun atawa telephone genggam.
  
  
• Gareng : oh nya nya nya nya hi hi hi ingett inget kang nya hape
  
  
• Dawala : tah pan ku ayana eta barang                            sagala rupa informasi           atawa berita anu diperlukeun ku urang                      bisa di teangan make eta,                                 ku cara ngarambah ka hiji situs,                laman atawa halaman.
  
  
• Gareng : owh kitu nyah,                    naon wae eta kang anu bisa diteanganna ?
  
  
• Dawala : ihh rupa rupa atuh,           aya vidio, lagu-lagu,          sajak, puisi, edukasi,             pelajaran pokonamah beraneka ragam               atawa euyeub,
  
  
• Gareng : hmm nya nya nya,          lamun carita atawa dongeng si Kabayan bisa di teangan kang ?
  
  
• Dawala : ihhh kantenan bisa pisan,                  tapi anu leuwih menarik deui
  
  
• Gareng : naon tea etateh kang anu manarik na ?
  
  
• Dawala : sajabana urang neangan atawa ningali karya - karya batur,                                      urang ogenan bisa nyimpen hasil karya               atawa kreatifitas sorangan reng,
  
  
• Gareng : waduh alus atuh kang ari kitumah,             kabeneran kuring resep                        kana kokojayan di solokan,                         teu nanaon lamun di vidiokeun ?
  
  
• Dawala : nya empek wae               tapi leuwih alus aya dina kasopanan oge nya,                didinya kan geus jeubrog,                bobogaan oge rambes bes buluna,                                  nya atuh bari di calana ngojayna
  
  
• Gareng : oh nya pasti atuh kang,                   da lamun heunteu di calanaan mah                 kaciri ulad alid na atuh,                     da kuring ogenan aya ka eramah atuh akang.
  
  
• Dawala : ha ha ha ha nya panyangka teh          midio keur ngojay bari bubulucun,                luntad lentud,
  
  
• Gareng : ke ke ke ari akan geus aya nyah              dokumentasi atawa karya anu di simpen di medsos ?
  
  
• Dawala : he he he he jangan ditanya atuh,                acan puguh nyeta can faham pisan jeung ngarti cara cara na ah,               ongkoh barina oge akangmah                                               teu pirajeunan tunya tanya deuih.
  
  
• Gareng : euh ari suganteh geus boga                    atawa geus nyimpen karya                   satadinamah kuring rek guguru,                     atawa menta diajarkeun kuring teh,
  
  
• Dawala : jiahahahaha can acan            ke we lah cuang babarengan                               ngotektak jeung diajar dipelajari.
  
  
• Gareng : owh siap atuh ari kitumah kang,        reuseup, reuseup pisan kuring jiganamah lamun kitu
  
  
• Dawala : tah nya ari kitu caranamah,                meureun urang kudu tatahar jeung beuner beuner                        neangan atawa nyiapkeun kabutuhan kabutuhan ajang dukungan eta.
  
  
• Gareng : wokeh siap lah kang,            aduh aduh aduh ayeunamah beuteung kuring               karasa ngusial ieuteh kang,                  ke kang dikantun heula ah bade ka peungkeur nya, hoyong moddol eula.
  
  
• Dawala : nya nya sok kaituh buru buru,                     bisi kabusiatan na calana,
  
  atuh Gareng enggal - enggal ngabeleucet ka kamar mandi seja miceun kameneukeulan dina eusi padaharanna. cag
  
  
  
  
•